Tek votim i raportit vjetor të Komisionit të Pavarur të Mediave për vitin 2021 sipas administratës së kuvendit, në herën e parë morën pjesë vetëm 59 deputetë.

Kjo krijoi habi tek kryetari i kuvendit, Glauk Konjufca, pasi sipas administratës, katër deputetë të mazhorancës nuk morën pjesë fare në votim.

Ai i kërkoi edhe një herë deputetëve që të votojnë, ndërsa deputeti i LDK-së, Armend Zemaj, i tha se ky është presion ndaj deputetëve.

E, me sarkazmë iu përgjigj Konjufca, i cili i tha se “ky zotëri Zemaj nuk është kurrfarë presioni, këtu kemi me votu tri herë ndash me ditë, edhe herën e parë e kryjtëm, tash kalojmë në herën e dytë, mos u merakos ti për këtë punë”.

Kjo përgjigje e Konjufcës shkaktoi të qeshura në sallën e kuvendit, ndërsa në votimin e përsëritur u konstatua se 62 deputetë morën pjesë, ku 58 votuan kundër, tre kundër dhe një abstenim, rrjedhimisht kuvendi nuk e miratoi raportin vjetor të KPM-së për vitin 2021.